Die letzt Folg vom Luusbuebe Podcast. Mitem Joor 2020 goht au dr Luusbuebe Podcast z‘end. Dr lieblings Podcast vo Studierte & Akademiker fiirt si krönende Abschluss. Mit (nur e biz) Bier und vielne schlechte Wortspiel e Abschlussfest wo uf rotem Teppich uf euch zuechunnt. Und wills die letzt isch e XXL Folg für euchi Ohre! Dangge an jede wo uns glo…

2020 ische schlechts Joor gsi. Drum gits in dere Sendig GROSSI NEWS zum Podcast! Endlich wieder live usem Gartehüüsli vo dr Nathi und ere Zaubelunte. Die Folg gniesst sich am beste mitere Bett-Wäre-Fläsche im Spongebobdesihn (als chline Insidertipp). Viel Spass & mir freue uns uf die letzti Folg! <3

Es schneielet, es beielet, es goht e chüele Wind, wenn öpper Papi wird, denn het er es Kind. Wieso genau das Gedicht? Mir werdes selber nie erfahre. In dere Sendig rede die übermüedete Luusbuebe über Reh, Füchs, Dächs und Siebeschlöfer. Also alles wo no weniger spannend isch als s’Inhaltsverzeichnis vom alte Französischbuech. Sünscht gits no Saas F…

Advent, Advent, ein Kindlein rennt., nach Haus schnell wie es nur kann, denn es hat gerad' nur einen Drang. Es nimmt das Handy und freut sich gross, der Luusbueben Podcast geht jetzt los! Dr neu Luuser lütet d'Wiehnachtsziit ih und bereitet euch perfekt ufe Bau vomene Pumpspeicherwerk vor. Alias alles wone 13 Jöhrige, chline Bueb will: Es Pumpspeic…

Wie fest de Adi scho i Wiehnachtsstimmig isch, warum Lüüt wo schnupfed automatisch SVP-Wähler sind und no viel meh erfahred ihr i dere Folg vom Luuserbuuser Podcast... Viel Spass!

Chum mit ufe wilde Tauchgang mit de Luusbuebe durch d'Schwizer Seene und Obduktionssääl. Chame Mensche koche? E ganz klassichi Frog. Au wenn die Folg Veganer nid werde cool finde, dörfe sie gern mitlose. Mir hen euch gern! <3 Viel Spass mit dr Folg!

Hütt in dinere Tagesschau vom Vertraue: Wieso d'Periode vo dr Frau nur erfunde isch? Wieso Spucke glernt muess si? Wieso dr Donald Trump nid gwünnt? Und e kritischi Analyse vom Horror Camp! Mit viel Müeh & harter Arbet Recherchiert (nid). Viel Spass dir Dullis :D

Nebelmaschine, kreasses Setup: Alles Sache wome im Podcast absolut nid gseht. Die Beide Luusbuebe fiire Halloween so, wke mes als richtige Schwizer macht: Gar nid. Gueti Witz, spannendi Unterhaltig und ganz viel Niveau. Alles Sache wo in dere Folg nid vorchöme. Düfür gits vo Horrorfilm über Guilty Pleasures bis Lifehacks fürs Koche alles. Viel Spas…

Euche lieblings Comedy Podcast isch jetzt neu euche lieblings Finanz und Polit Podcast. Alli Froge rundum sicheri Ahlage, Finanzinstrument und Immobilie werde do beantwortet. Unsere Ahlage-Tipp vom Tag: McDonalds Regebogeglas. Het me 2 vo dene isch d'Rente sicher + jede Daag ei Gipfeli & Kaffi am Morge bim Beck. Ohni dass me jeh wieder e schlechts …

Motivierter als e 16 jöhrige Teenager bim Staubsuuge gohts in die 38. Folg vom Luuser. Nebst eme legendäre Rattewurf und Panzer-Lamas isches e sehr niveaulosi Sendig - Viel Spass!

Fans um die ganz Welt sind schockiert… D Loredana chunt nöd as OpenAir Frauenfeld 2021. Fasch so relevant isch au d Frag „wie beweged sich eigentlich Schnäggä“ ? Ganz näbebi het de Corona no Trump und de Adi het de MacDonalds läär gässe. Viel Spass bim lose!

Die ersti Podcast Late Night Show vo dr Schwiz, wo no schlechter isch als Deville Late night. Hütt mit Themene wie Viktor Giacobro, Johnny Depp & Lamas inere Schöfliherde Also ganz alltäglichi Theme im Lebe vode Luusbuebe. E Podcast miteme grössere Lerneffekt als jedes Studium und Witerbildig. Viel Spass bi dr 36. Folg!…

Zerst Swiss Comedy Award, denn schlofe ufem Stäg. Zerst TikTik Ban, denn doch nid. Zerst kei lustige Podcast, jetzt immernoni lustig. Straight outta Gartehüüsli vo dr Nathi und mit dr Nathi! Viel Spass! :D

D'Luusbuebe Gruebe redet über viel Crème Theme. Wiedermol direkt vom Gian Mann usem grade Wage. Hütt chli e deepy Folg, gmischt mit schlechte Schleim Reime. Viel Spass mit dr Folg! :D

Oh Schlunder Bär, Oh Schlunder Bär, de wo das liest wird mol e Millionär. Mir sin go Skydive, rede über die Days wome sich eifach scheisse fühlt und schlundere eifach chlin dure Luuser. Zum erste Mol wieder per Discord und (leider) nid live. Viel Spass ihr Schlünderer! :D

Scho sin die Beide Luusbuebe bi dr 32. Folg. Es erinneret scho fast ane Texturepack Uflösig vode alte Minecraftziite. Au wenns nid um Minecraft goht, au de Podcast het sini Ecke und Kante. Einersits will mir um d'Ecke denke und anderersits will mir und d'Kante gebe. Live usem Neumarkt - Viel Spass!

E vode Luusbuebe empfohleni Spezialfolg zemme mitem Jonny Fischer vo Divertimento. Wieso möche mir das wo mir mache? Vo wo chömme d'Idee und was wenn me mol weniger Inspiration het? Ah, und denn gohts au no um sone Trabant. Viel Spass mir dr Folg & immer schön Knäckebrot esse! Luusbuebe Wobblers: https://spoti.fi/3hoxx3T…

"Ich Kebab, nichts hält mich am Boden." Das isch s'Motto vo dr hüttige Sendig, wo doch imne durchus spezielle & nennenswerte Rahme stattfindet. Und zwar bim Adi im heimelig und scho fast romantische Studiozimmer. Wie schmeckt e original Kebab? Wieso sin Laubblöser so scheisse? Oder wieso lisisch du die Beschribig do grad no? Alles froge wo viellich…

Not Gian und Not Adi im Not Luusbuebe Podcast. E verschwitzi Sendig direkt us de Beide Schlofgmächter vode Not Luusbuebe. Gits no Dinosaurier? Gits no gueti Pranks im SRF? Und gits no es dümmers Wort als xsi? Viel Spass bim lose! Luusbuebe Wobblers: https://spoti.fi/3hoxx3T

Es isch die ersti, positivi Meldig nach Corona. Die Beide Luusbuebe sin zrugg us dr wohlverdiente Summerpause. Nach Luxusferie in Spreitebach & eme Kurztrip nach Dietikon sin die beide lieblings Schwiegersöhn brunbrüünt und guet gsinnt zrug. E wyldi Folg mit no wyldere Theme. Viel Spass! Luusbuebe Wobblers: https://spoti.fi/3hoxx3T…

Viel Spass mit de letzte Folg vor de grosse Summerpause! Mir sind bis am 08. August 2020 inere chline Podcast Pause... Aber gnüsset ez no de letzt Ritt ufem wilde Lussbuebe Podcast Pferd, mit eme chalte Alkoholfreie Bier ide Hand. Schöni Summerferie und bis Bald. Luusbuebe Wobblers: https://spoti.fi/3hoxx3T…

Still am Rand vom Lago Maggiore im vom Mondliecht ufem Wasser schimerende Liecht sitze zwei chlini Wese. Im Fachjargon nennt me se au die Beide Luusbuebe. Uf zwei Campingstüehl sitztend nehme sie die 26. Folg vom zuckersüesse aber mengisch au wie e Center Shock bittere Luusbuebe Podcast uf. Viel Genuss & Zärtlichkeit innere hoch spannende Sendig! L…

Es isch wieder passiert. E brand neui Sendig direkt usem Gartehüsli vo dr Nathalie Sulser aka. Miss Ponny aka Nathistyle. Uf jede Fall eini vode wyldere Folge. Hebet euch guet fest & schnalled euch ah. E rassige Ritt durch die wunderschöni Luusbuebe Prärie! Luusbuebe Wobblers: https://spoti.fi/3hoxx3T…

Heisser als in dr Arena wird im Luusbuebe Podi über die aktuelle Theme diskutiert. Zum Bispiel übere Schwanz vom Tapir. Siel Vpass mit dr Folg! Luusbuebe Wobblers: https://spoti.fi/3hoxx3T

Früscher denn jeh starte die beide Luusbuebe ine neui Sendig. Hinter sich hen sie e grosse & lange Roadtrip durch d'Westschwiiz. Fazit: Mir chönne kei Französisch (lol)! Sünscht eifach e gaaanz wyldi Folg. Gönned euch & esse nid z'viel Kokosnüss. Viel Spass! Luusbuebe Wobblers: https://spoti.fi/3hoxx3T…

Langsam gaht d'Sunne hinderem Waldrand uf. Die erste Vögel zwitschere & Küeh hen scho s'erste mol Milch geh. Und zmitts drin nehme die beide Luusbuebe grad unschuldig e neui Folg vom Poddi uf. Biz verschlofe, biz verplant und biz cool. Viel Spass bi dr Morgeshow! Luusbuebe Wobblers: https://spoti.fi/3hoxx3T…

Zemme mitem Erich, eusem Homie dr Robbe und ere überdosis cringe starte mr ine neui Epoche vom Luusbuebe Podi. Mir in im in de 20er Johr ahcho. Wie immer erwartet Sie e hoch spannend, intellektuelli Podcast Folg serviert ufem früsch polierte Tablar. Happy Corona & wenig Spass mit dr neue Folg!

Wie het alles ahgfange? Üse Start uf YouTube, Alti Storys & En Blick i üsi Chöpf. Alles im XXL Youtube Special mitem Marc Galaxy (aka Nilai) Viel Spass mit de 20. Folg!

Wyld, wylder, 200 Meter Rutschi z'Basel. Mir hän tatsächlich d'Basics gmacht und zum erste mol in dr Luusbuebe History es Spiel in dr Sending. Es erwartet Sie e fast nid uszuhaltendi Spanning, als wärs e Hochstromleistig. Es isch und blibt spannend - Viel Spass ihr Luuser! :)

Live us dr Höhli vom Gian dr Luusbuebe Podcast wo im Prinzip chli besser isch, aber immerno scheisse. S'einzoge wo no unnötiger isch, isch d'Diskussion rund um s'Thema pushe uf Youtube. Übrigens hütt e usgab, wo extra lost isch. Vor allem dr Gian, er weiss nid mol si eigene Name. Gratulation liebe Gian! Viel Spass dir chline Höhlebewohner!…

Über d Genialität vo eme Schnauz bis zum Schwizer YouTube Beef, hemmer alles behandlet. Nehmed de Rasierer it Hand und schnidet eu us Langwili mal e ordentlichi Intimfrisur, wie d Nathistyle empfehle würd (während em Podcast lose natürlich). Und da demit wünschemer eu viel Spass mit de 17. Folg. Peace und blibed gsund.…

Start: Dr grösst Rap Freestyle wo sogar Rap Legendene wie dr Eminem und Samy Deluxe als schwaflendi Babys usseh loht. Mittelteil: Vo Haferflockemaschine bis zum Coiffeur, alles drbi. Schluss: Emotionali Dankensred vom Prinz untermolt mit melanchonischer Musig vom Lil' Toro. Oder ebe eifach e normale Luusbuebe Podi.…

Die krasse Summervibes chömme in Luuser! So krass, dass mr fast e ganzi Folg am gliebte Birchermüesli schenke. Birchermüesli for President! Übrigens: Folg 15! Isch das speziell? Nei. Drum viel Spass ihr Nasebärzottelwese.

Ostere stoht vor dr Tür, ganz viel Eier stöhn vor dr Tür - also ufe Bundesrot lose und ab ins Tessin (nid)! Düfür exklusiv im Podcast die exklusivste Tierfusione, wos je hets gits. Also: Trainerhose ahzieh, Wattestäbli füreneh und gniesse - viel Spass!

Flexe isch wie Benissimo am Samstig Obe - es ghört eifach zum Läbe drzue. Exklusiv droppe mir hütt e paar ganz weirdi Flexxes. Viel Spass & fröhliches Flexxen allerseits!

Fremdgoh ligt im Trend. D'Luusbuebe hen zwei Fremdgeher uf früschter Tat ertapt, die beide Jungs vom Privatchat. So ischs kei Privatchat meh, sondern die fantastischen Vier. Viel Spass mit rohe Nudle & und em Gian, wo es 9i im Bett isch!

Die beide Luusbuebe sin nach dr Jubiläumsfolg wieder zrug im Alltag. Au wenn de nid ganz normal isch. So verantwortigsvoll wie die Beide Luusbuebe sin hän sie müesse schimpfe! Schimpfe wie Schimpanse - Schimpfanse! Blibet deheime & stay safe. Viel Spass!

10 Folge schlechti Unterhaltig, schlechti Wortspiel no schlechteri Moderatore und e allgemeine Ohrefigg. Das beschribt dr Luusbuebe Podcast sogar besser als er isch. Mir fiire 10 Folge und hoffe uf weniger - mit viel Erotik & Bier ufem Pilatus.

Wirds no schlimmer als dr Coronavirus? D'Loredana zeigt mit ihrer Dankensred an de ASS-MAs dass es möglich isch. Ah, und egal wie unnötig de Podcast isch, e Hasmter isch unnötiger - viel Spass!

EXKLUSIV z'Gast bide Luusbuebe dr Coronavirus. De Virus wo meh Erfolg het als d'Schwizer Youtubeszene und no unbeliebter als d'Loredana isch. Mir hön d'Ehr de Virus vo inne ahzluege. Willsch wüsse was mr gfunde hön? Lose!

E Therapiestund zum Coronavirus & am Gian sine Problem - dasmol in guetem Ton. Siel Vpass!

Sex, Sex, Sex! Alles wo Luusbuebe wän isch Sex, es Gartehüsli und e Bedienig wo Pizza bringt. Hütt nid nur mit schlechtem Niveau, sondern au mit schlechtem Ton. Keini Grüess gönge ans Ton-Techniker-Team vom Luusbuebe Podcast - viel Spass!

Stefan, wieso isch dr Cypher gsi? Stefan, wieso immer de Double Dip? Stefan, wieso simmer im Wallis? Und vor allem eifach: Stefan wieso?

Uf die Folg hemmer eifach kei Bock, als wäre mr Geiss ohni Maa. Viel Spass bim Zuelose vo Problem & MMA Platzwundene am Kopf.

Dr internationalsti Podcast isst füechte Kueche zemme mit dr Hazel Brugger, wo usse hart isch. Sünscht cha dr Gian nid rede, dr Adi het Gebuetstag gha und es wird in alte Ziite vom Fuessballclub gschwelgt & es Bier!

E lyrisch hochstehendi Verarbeitig vo tragische Weltereignis wie am Gian sini neui Frisur. Und no weniger wichtigi Sache wie s'Füür in Australie und dr 3. Weltkrieg - eifach easy blibe!

Die zwei schönste Schwiegersöhn vo dr Schwiz mische jetzt d'Schwizer Podcastlandschaft uf. Hän die Beide schone One-Night-Stand gha? Was passiert im 2020? Und wie guet lauft d'Muettermilchbranche? Alles in dr erste Folg!